Şablonda nə var
- Parametrlər: il və ay, 2026 istehsalat təqvimindən iş günləri və saatları, bütün vergi və sığorta dərəcələri ayrıca xanalarda.
- Tabel: 10 əməkdaş × 31 gün, həftə günləri avtomatik, şənbə və bazar boz rəngdə. Kodlar: rəqəm = saat, M = məzuniyyət, X = xəstəlik.
- Əmək haqqı: vəzifə maaşı, işlənmiş günlərə görə hesablanmış məbləğ, mükafat, gəlir vergisi, DSMF, işsizlik, icbari tibbi sığorta, əlinə çatan, işəgötürənin payları və ümumi xərc.
Hesablama qaydası
Dərəcələr özəl qeyri-neft-qaz sektoru üçün 2026 qaydalarıdır: gəlir vergisi 2 500 ₼-dək 3% (əsas iş yerində 200 ₼ güzəştlə), 2 500–8 000 ₼ arası 75 ₼ + 10%, yuxarı 625 ₼ + 14%; DSMF işçi 3%/10%, işəgötürən 22%/15%/11%; işsizlik 0,5% + 0,5%; tibbi sığorta 2 500 ₼-dək 2%, yuxarı 0,5%. İli 2027 yazdıqda gəlir vergisinin aşağı dərəcəsi 5%, 2028-də 7% olur. Vergi Məcəlləsinin 102-ci maddəsi üzrə güzəştlər (şəhid ailələrinə 800 ₼, müharibə veteranlarına və müharibə əlillərinə 400 ₼, 200, 100 ₼ və 3+ himayə üçün 50 ₼) hər işçi üçün ayrıca sütunda seçilir.
Şablonun nəticəsi əmək haqqı kalkulyatoru ilə eynidir. Məsələn, 3 100 ₼ gross üçün əlinə çatan 2 600,50 ₼, işəgötürənin ümumi xərci 3 647,50 ₼.
Nəyi ayrıca hesablamaq lazımdır
- Məzuniyyət haqqı: məzuniyyət kalkulyatoru.
- Xəstəlik müavinəti: xəstəlik vərəqəsi kalkulyatoru.
- İş vaxtından artıq iş, gecə növbəsi və bayram günlərində iş üçün əlavə ödənişlər.
Ay üzrə iş günləri: istehsalat təqvimi 2026.